Estamos de volta cunha mini-actualización do blog para contarvos de forma breve as últimas xornadas de pesca en Irlanda, concretamente nos arredores de Cork, nos ríos Martin e Bride.
2008-07-17: River Martin 0 - 31 AlexMiña nai querida... moita troita pequena ten este río. O bonito que ten é que ten augas moi cristalinas, moita corrente, e o millor de todo é que, na zona no que o pesquei, apareces xusto ó ladiño do
Castelo de Blarney, onde unha ponte, dentro do recinto. Bonitas troitas, unha de 24cm e outra de 21cm (non as hai moito máis grandes que digamos....) Nesta primeira foto, a troita de 24cm.
![](https://blogger.googleusercontent.com/img/b/R29vZ2xl/AVvXsEjbhcUGdB2jGGyNtEIZyZMJLPl8UxlNFNcw2Q6_c86tV-GgK7W2zOxpzwsJlM_4Ak5wBeZ-dgYxK5FSEwr8SbcitzOGMx90ClCnJ6deachHX-WXZ3cCwQB6dL1YGyTLLKzn4IdiqA/s400/Blarney_Pepino_24.jpg)
Estas dúas fotos agora son do river Martin. A verdade que son ben bonitas. Nesta primeira, o pastor do gando pasando polo medio do río. Tes que agocharte para pasar, aquí están sempre encendidos (e calambrazo que levas...)
![](https://blogger.googleusercontent.com/img/b/R29vZ2xl/AVvXsEi0RTQ-oQLMZIJ9pI4qi4pL4JvINy9022xbpUl3IMVEEVF0lZ7MhWa7R_o2ncrj14HAeGwnSOwmUKM_o8k4f0w2c2nyTfA0VauXpbXhSZzyjz2bdy0ueBGX_rEQWwKJRs-aD3ZCSQ/s400/Blarney_1.jpg)
Nestoutra, un pouco máis arriba. Unha bela corrente (se non recordo mal, creo que pillei algunha troita ahí).
2008-07-29: River Martin 1 - 7 AlexVoltamos outra vez ó River Martin, desta vez nunha zona superior. Costou atopala pero con
Google Maps e co meu GPS conseguino. Esta zona a pesquei en moi pouco tempo, a chuvia e o meu cansanzo fixeron mella, pero as 7 troitas que pillei deixáronme un bo sabor de boca. Ningunha que salientar, todas pequenas e no río.
2008-08-01: River Bride 0 - 8 AlexDe novo ó River Bride, desta vez cheo de auga ata arriba. E un pouco marronciño, tendo en conta as inundacións en Fermoy (Rathcormac, por onde pasa o R. Bride está a 5 minutos de Fermoy). Tentei estrenarme ca cola de rata, pero levei un rosco coma un donuts. Pero a miña garra persistiu e boteille a culleriña, a cal non fallou e fixome coller 8 bonitas troitas, unha delas de 22cm. Aquí, o vídeo do "
catch and release" desa beleza.
E ata aquí as troitas por agora. Seguiremos informando das xornadas troiteiras que levarei a cabo neste mes de agosto (a pesca aquí remata a fináis de Setembro).
Lembrade que, os asiduos ó meu outro blog, podedes ver o mapa de visitas e pesca. O mapa é
este.
Saúdos a todos!