lunes, 15 de diciembre de 2008

Moscas hollywoodianas

Boas!

Xa facia tempo que non entraba (e fagoo desta vez dende o traballo). Acabo de ler un artigo no Faro de Vigo no que comenta o encargo de Hollywood a un montador de moscas galego para unha pelicula. Incrible non?

A verdade e que montar moscas e todo un reto, e mais ainda se un se dedica a facer moscas non para pescar, se non moscas realistas. E impresionante! A ver se a partir de agora, cada vez que vexamos algun bicho na tele, podemos dicir "Mira, ese bicho e feito en Galiza!"

Saudos!

domingo, 2 de noviembre de 2008

Remate da tempada fluvial 2008

Podo dicir, aínda que con un pouco de retraso (máis de 15 días), que hoxe día 2 de Novembro, dou por rematada a tempada fluvial 2008.

Nesta tempada houbo moitos cambios importantes na miña vida e no relativo á pesca. Cambiei de traballo, cambiei de país, e encontrei unha riqueza fluvial incríble. Espero continuar durante a tempada que ven (que comeza a mediados de Febreiro) poñendo entradas sobre a pesca fluvial en Irlanda. Quén sabe se algún día comezaréi co salmón....

Pero non acaba aquí a cousa, xa que estou empezando a pescar no mar, aínda que non teña moita idea. O caso é pasalo ben!

Dende Irlanda, e máis concretamente dende Cork, un saúdo!

sábado, 13 de septiembre de 2008

River Owenboy, co. Cork

Un día de estes tiña que chegar. E chegou o xoves pola tarde..

River Owenboy 2 - 0 Alex

Río precioso, pero cheo de auga e chocolate. Imposible facer nada, máis que perder un par de culleriñas. O río, se non chega a ter tanta auga, merecería a pena. Teño unha conta pendente con él....

Saúdos!!

jueves, 28 de agosto de 2008

River Dripsey, co. Cork

Mais pescatas, desta vez no río Dripsey, co. Cork, ó oeste da cidade, preto do castelo de Blarney (e non é o River Martin). Río pequeno pero matón, gustoume moitísimo.

Fun dúas horiñas hoxe pola tarde, pero bastoume para animarme e relaxarme, coller 20 troitas e perder unha culleriña (levouna unha troitiña, rompeume a sedela), e sentirme libre outra vez, despois dunha mala semana tanto no laboral coma no persoal.

Das 20 troitas que collín, unha de 24cm (non teño foto, esvaroume das mans pero era fermosísima), e outra de 20cm, moi bonita tamén. Nesta foto, unha das primeiras da tarde. Saqueille foto polos contrastes co sol, aínda que non quedou moi ben.

Esta é unha imaxe do río. É fermosísimo, encantoume....

Esta toma dende unha pedriña. Podedes ver a miña cana á esquerda, descansando nunhas pedras....

O peor... o de sempre... a contaminación... pero este río apenas ten basura... nesta foto, un cono de tráfico... igual están as troitas en obras e teñen que usalo...

Saúdos e seguiremos informando!

miércoles, 20 de agosto de 2008

River Bandon e River Glashaboy, co. Cork

Estamos de volta cun par de xornadas máis durante o mes de agosto, desta vez nos ríos Bandon e Glashaboy.

River Bandon 0 - 6 Alex

Bo río o Bandon, salmoneiro e troiteiro. Ten moito reo, pero á zona á que fun non era gran cousa, pero sí ben bonita. Somentes collín 6 troitas, e inda por riba ben pequenas, pero disfrutei coma un anano vendo as paisaxes e aproveitando un dos poucos días de sol que soen haber por aquí.

Nesta foto, podedes ver a ponte de Innishannon, límite inferior da zona acotada (ou privada, xa non sei...). Boas correntes xusto na ponte.


Nesta outra, o cartel do río. En gaélico e en inglés, coma prácticamente tódolos cartéis de Irlanda (na parte oeste, só están en gaélico)

Aquí unha toma dende a ponte, dun troiteiro que tentaba pescar ca cola de rata. Unha maneira un pouco extraña, pero quiza fora efectiva. Non tiven a sorte de velo xa que marchaba.


River Glashaboy 0 - Alex 11

Precioso río, xusto na desembocadura ó mar. Aquí podes pillar centos de reos se tes o día. Eu fun co río lodado, pero logrei coller 5 reos e 6 troitas. Os reos eran preciosos, moi guerrilleiros e duns 28 cm. Ben bos!

Aquí, unha foto do primeiro reo irlandés que collín. Andaba sobre os 23cm aproximadamente. De volta ó río con él...

Estoutro foros uns 25cm, e ben peleón...

E este último, de 28 cm. Mira que me deu guerra!!! Ser non eran moi grandes, pero peleaban moito!!!

Destacar que todos eles foron devoltos ó río. O reo e o salmón requiren licencia, non así a troita común.

Saúdos a todos!

martes, 5 de agosto de 2008

River Martin e River Bride: dúas minas

Estamos de volta cunha mini-actualización do blog para contarvos de forma breve as últimas xornadas de pesca en Irlanda, concretamente nos arredores de Cork, nos ríos Martin e Bride.

2008-07-17: River Martin 0 - 31 Alex

Miña nai querida... moita troita pequena ten este río. O bonito que ten é que ten augas moi cristalinas, moita corrente, e o millor de todo é que, na zona no que o pesquei, apareces xusto ó ladiño do Castelo de Blarney, onde unha ponte, dentro do recinto. Bonitas troitas, unha de 24cm e outra de 21cm (non as hai moito máis grandes que digamos....) Nesta primeira foto, a troita de 24cm.

Estas dúas fotos agora son do river Martin. A verdade que son ben bonitas. Nesta primeira, o pastor do gando pasando polo medio do río. Tes que agocharte para pasar, aquí están sempre encendidos (e calambrazo que levas...)

Nestoutra, un pouco máis arriba. Unha bela corrente (se non recordo mal, creo que pillei algunha troita ahí).


2008-07-29: River Martin 1 - 7 Alex

Voltamos outra vez ó River Martin, desta vez nunha zona superior. Costou atopala pero con Google Maps e co meu GPS conseguino. Esta zona a pesquei en moi pouco tempo, a chuvia e o meu cansanzo fixeron mella, pero as 7 troitas que pillei deixáronme un bo sabor de boca. Ningunha que salientar, todas pequenas e no río.

2008-08-01: River Bride 0 - 8 Alex

De novo ó River Bride, desta vez cheo de auga ata arriba. E un pouco marronciño, tendo en conta as inundacións en Fermoy (Rathcormac, por onde pasa o R. Bride está a 5 minutos de Fermoy). Tentei estrenarme ca cola de rata, pero levei un rosco coma un donuts. Pero a miña garra persistiu e boteille a culleriña, a cal non fallou e fixome coller 8 bonitas troitas, unha delas de 22cm. Aquí, o vídeo do "catch and release" desa beleza.



E ata aquí as troitas por agora. Seguiremos informando das xornadas troiteiras que levarei a cabo neste mes de agosto (a pesca aquí remata a fináis de Setembro).

Lembrade que, os asiduos ó meu outro blog, podedes ver o mapa de visitas e pesca. O mapa é este.

Saúdos a todos!

domingo, 13 de julio de 2008

Pesca en barco en Old Head (Kinsale, Cork)

De volta estamos con xornadas piscatorias, pero desta vez no mar. Sí, no mar!!! Cousa rara en mín, porque nunca vóu ó mar, pero aquí téñoo moi preto e penso que é unha boa oportunidade para intentar coller algún que outro "mackerel" (caballa) ou "polock" (abadexo).

No noso curre, decidimos arrendar un barco e ir unhas 8-9 persoas a pescar ó mar, e así aproveitar para ver algún que outro acantilado dos que tanto abundan por aquí, pero desta vez dende o lado do mar.

Alá fomos cara o porto de Kinsale, onde o patrón do barco esperaba por nós. O material proporciónalo o patrón, así que non temos que levar nada de nada. Somentes roupa para a auga e non mollarse.

Nada máis subir o barco, descubrimos unha beleza na auga. Unha preciosa foca gris estaba a mirar para nós, a ver se lle botávamos algo para comer. Aquí unha fotiño. Non me digades que non é preciosa!

E ún video dela, que está moi graciosa cando abre os buratos do nariz para respirar!



Xa saíndo do porto, meu colega Marcin sacoume un par de fotos. Esta primeira fronte o forte de Summercove.

Nestaoutra, xusto no momento en que unha ola pilloume por sorpresa e molloume coma un pito en toda a espalda. Que frío que facía!

Para que vexades á velocidade á que ibamos no barco, e o poder das olas, esta foto representa un "quero e non podo". Tentei quitar unha foto, pero nese momento colleume unha ola e saquei "isto" que non podo describir.

Agora, un video despóis da foto anterior. Mirade como salpica a auga. Parece que non é nada, pero se estás dentro de barco é completamente diferente!



Comenzamos a xornada en Old Head. Parecía que non picaban. Un cambio de sitio e as picadas e peixes comenzaron a salir. Un tras outro, os méus compañeiros ían quitando peixes, algún de tres en tres!!! Eu, mentres, estaba a velas vir, sen pillar nada, e con principios de mareo (as ondas estabanme a matar...)

Nesto, o meu colega Marcin logrou pillar un bo abadexo, grande coma él solo. Aquí tendes a foto.

Despóis de unhas cuantas caballas, un par de abadexos e unhas agullas por parte dos meus colegas, nada pola miña parte salvo un mareo, voltamos a porto (por fin!!). No camiño, vimos unhas marsopas preto de porto.

Nesta foto, o porto de Kinsale con todos os barcos de recreo amarrados. Precioso!

E finalmente, a foto conxunta dos pescadores (e mareados) co porto ó fondo.

Espero que vos guste. Saúdos!!

lunes, 7 de julio de 2008

Lough Allua (Inchigeelagh Village, Cork)

Aqui estamos de novooooo!!! Con novas aventuras pesqueiras dende a ínsula irlandesa.

Ben, tras un par de pescatas nos ríos Blackwater (rosco) e Bride (6 e 22 troitas en dúas xornadas) dos cales xa vos falarei no futuro, vouvos falar deste fin de semana, que fun de pesca ó Lough Allua (lago Allua), a 5km. aproximadamente da vila de Inchigeelagh, Cork. E qué fun pescar alí? Troita non, fun pescar lucios (pike en inglés)!!

E diredes que estou tolo... e por qué non? Hai que probar de todo na vida!

Ala fumos meu colega Marcin, Ania (a moza) e máis eu. Arrendamos unha barca a motor e alá nos fomos ó medio do lago. Os detalles de arrendamento podedes atopalos nesta web (a que o fulano parécese a Olaf Marshall?)

Total, que tras un rato pescando, o motor escarallase. Non arrancaba. Voltamos a remo ó porto para chamar ó dono (un alemán). O problema: a billa da gasolina pechada. Somos uns desastres.

Voltamos de pesca ó medio do lago. En silencio. Lanza que te lanza. Nun descanso, comemos chourizos galegos, e salchichas, pepinillos e pan polacos. Menuda mistura!!!

Logo, continuamos a pesca. E nunha destas, conseguín atrapar o meu primeiro lucio (e o único que collemos en todo o día). Aquí están as fotos. Corenta e pico cm de lucio. Non está mal, pero hainos moito máis grandes. A verdade é que o día tampouco era o millor.

Aquí o menda posando co lucio. Ó pobre tiveno que apretar que esvaraba moitisimo. Así apareceu na foto. A verdade é que tiña uns dentes de medo.

Total, que o lucio (irlandes) collino eu (español), cun señuelo prateado (polaco) nunca barca (alemana). Menuda combinación! Continuamos pescando pero pouca cosa puidemos facer. Chovía a ratos, e facía frío. O mellor, voltar a casa tras disfrutar o primeiro lucio da miña vida. Non estivo nada mal!!!

Saúdos a todos!

domingo, 22 de junio de 2008

E estamos de voltaaaaaa... dende Irlanda!!!

E eiquí estamos de novo outra vez!!! SIIIIIIIIII!

Escribo este post para comunicarvos o cambio de título do blog, xa que como sabedes non estou en Galiza se non que estou en Irlanda, concretamente na cidade de Cork. E como este é un páis cheo de ríos, pois terei que ir de pesca aquí non? Pois sí, e ese é o propósito.

Así que de aquí en adiante, comezarei de novo a actualiza-lo blog coas miñas xornadas de pesca no país dos acantilados.

Un saúdo a todos, e espero visitas pronto!!!

martes, 1 de abril de 2008

Despedida

Señores... señoras.... rapaces e rapazas. Teño que darvos unha nova.

Dende hoxe 1 de Abril de 2008, marcho. Marcho do meu pobo, marcho de xunto a miña xente, marcho dos meus ríos... e qué millor terra para marchar que Irlanda.

Pois si, dende hoxe ás 6 da tarde, estaréi por terras irlandesas na procura dun traballo. Vai ser difícil e duro, pero hai que intentalo e sei que poderéi facelo sen problema. Durante este periodo de tempo non actualizaréi tan a miudo o blog (non o vou pechar), pero sí poñerei entradas varias: paisaxes e zonas de pesca de Irlanda (alá hai moita pesca de troita e salmón), viaxes, excursións, etc


Teño xa un blog das miñas aventuras por Irlanda, este é Un estradense en Dublín
Espero que vos guste a todos e que o leades tanto ou máis coma este.

Dende aquí, darvos as gracias por entrar no blog e facer que me sinta a gusto lendo os vosos comentarios. Dende aquí, A Estrada, unha aperta. Dende Irlanda, Go raibh maith agat

viernes, 21 de marzo de 2008

2008-03-20: pesca en el coto de Vea (A Estrada)

Recén saído do forno, a portada do diario Maraca no río Vea. Mal resultado debido ó clima, pero no sendeiro das victorias, 3 seguidas. Suma e segue...

Mañán, a portada do couto de Negreira. Esperemos que se dea millor ca o ano pasado.

2008-03-19: pesca en Vilagudín (Ordes)

Impresionante partido disputado no campo de Vilagudín, en Ordes. Esperamos repetilo pronto, dentro duns anos, para poder aforrar...

Agora toca o couto do Vea... preparádevos porque cheira a portada de escándalo...

2008-03-18: pesca en Santeles (A Estrada)

Victoria traballada no regato de Santeles, trala compra dunha nova caña en detrimento da anterior ó romper o punteiro e non ter moito amaño.


En breve, a portada do Maraca en Vilagudín e no couto do río Vea en Xoves Santo...

jueves, 20 de marzo de 2008

2008-03-18: pesca en Rivela (A Estrada)

E aquí a nova portada do diario Maraca cos resultados de pesca do ano 2008. Sen comentarios.


En breve, a contratación do novo mister e os seus primeiros partidos de liga...

domingo, 16 de marzo de 2008

Comezo da liga galega de pesca no Viso (A Estrada)

Horroroso comezo da tempada 2008 en Galicia... unha troita collida coa Celta verde do nº1 e unha Celta vermella do nº1 vermella perdida... o sea, un 1-1...

Adxunto a portada do diario MARACA do día de hoxe....


Espero que vos guste a todos...

martes, 11 de marzo de 2008

Inicio da liga francesa: Bastán 1 - 5 Nuñez

E aquí comeza unha nova categoría, a dos partidos con portada de diario deportivo, obra do noso troiteiro Nuñez. Aquí vos poño a portada de L'Equipe do día do seu estreno na liga francesa.


El CORREOSO BASTAN MOSTRÓ SU FALTA DE GOL ANTE UN EQUIPO SIN RODAR.

Crónica:
Hoy asistimos al típico partido de principio de temporada, pocas ocasiones y varias jugadas embarulladas de las que sacó mayor beneficio Nuñez. El terreno de juego no estaba bien, bastante crecido, cosa que perjudico sobre todo a Nuñez, así durante la primera media hora no hubo ocasiones ni para locales ni visitantes. Así antes del descanso Nuñez gozaba de su primera oportunidad, un tiro que se paseó por la linea de gol, y antes de que se cumpliera el cuarenta y cinco Nuñez se adelantaba en el marcador con un gol desde 21 metros.

Después del descando el partido siguió la misma tónica , ocasión para nuñez y el segundo, zapatazo desde 22 metros. El partido pudo dar un vuelco si el Bastan hubiera marcado en la jugada siguiente al gol visistante pero marró la ocasión que tuvo. Nuñez mientras seguía a lo suyo y tres veces que llegó más, marcó otros tres goles. Quedaba media hora de partido y el Bastan perdía 0-5, ahí Nuñez se relajó fruto de la falta de ritmo y hasta el final ya no gozó de más ocasiones. Fruto de la relajación visitante el Bastan lograba el gol del honor en el descuento.

Incidencias:
Buena entrada. Un espectador invadió el terreno de juego.

Próximamente, a portada dun diario deportivo español. Mi madriña, que filón acabamos de atopar!

viernes, 7 de marzo de 2008

Comezo da tempada en Francia

Señores.... mañán pola mañán comeza a tempada no país veciño. O meu amigo anda tolo por comezar e botar a culleriña a rodar.

De feito, temos unha sorpresa para mañán á tarde, que estou seguro que marcará un antes e un despóis neste blog....

Ata mañán! E que a sorte che acompañe, amigo meu!

miércoles, 27 de febrero de 2008

Encoro de Portomarín (Lugo)

A principios do mes de Febreiro, este mes que está a piques de abandonarnos, os meus tíos lugueses, tamén afeccionados á pesca, decidiron ir a visitar o encoro de Portomarín, a uns 26 Km da capital de provincia.

Tendo en conta que o nivel das augas en Galicia nese momento estaban mooooi baixiñas, podíase supoñer que non o ían encontrar moi cheo que digamos. E isto foi o que encontraron: fermosos restos do pobo que o encoro engullíu cando este se encheu, e que saíron a flote cas baixas precipitacións neste ano de cambios climáticos.

Nesta primeira foto, pódese ver unha construcción que me recorda ó Stonehenge británico.


Nesta outra foto, vemos restos de vivendas que normalmente non se ven cando o encoro ten auga... imaxinade qué baixo están as augas nestes momentos en Galiza!

Mais restos do pobo... parece un pobo maldito, coma nas películas...

¿Seguirá baixando máis? Esperemos que non....

Vista da ponte que cruza o regato preto da casa... unha construcción fermosa...

Comparación das pontes vella e nova... incrible!


Agradecer ós meus tíos Miguel e Puri, autores das fotografías aquí mostradas, por mandarmas e deixarme colgalas no meu blog. Unhas apertas para vos!!!

miércoles, 20 de febrero de 2008

La Nivelle francesa

Como xa vos contei noutra entrada do blog, a pesca en Navarra védase en toda a vertente norte. Como ó meu colega ten cara de susto ó non poder pescar por alí, e a Francia de Sarkozy quédalle moi pretiño, pois este ano será internacional e sacará a licencia de Francia.

Este é un fervello e ten que investigar or ríos antes de nada, así que aquí vos mostro unhas fotos do río La Nivelle, na fronteira con España.

Esta mostra un cartel de instruccións a seguir. Indica que é zona de "pesca con mosca sen morte".



Estoutra mostra o tamaño das capturas mínimos e recomendadas da Nivelle.



Por suposto, temos que mostrar o río. Toma dun tramo, moi bonito e boas táboas....



Presa da Nivelle, toma doutro tramo do río.



Como penso que se poden quitar permisos por quince días, igual me fago internacional, coma na Champions League.

jueves, 14 de febrero de 2008

"A pesca do salmón en Yemen"

Como este ano pasado porteime ben cas troitas, o rei Troita (o que ten pintas negras) deixoume un regaliño moi interesante. Este regaliño foi un libro titulado "A pesca do salmón en Yemen", escrito polo autor Paul Torday.


O libro conta a historia do doutor Alfred Jones, científico piscícola e gran pescador de salmóns, e do xeque yemení Mohamed ben Zaidi bani Tihama, historia que se basa nos desexos do xeque en introducir dita especie no seu desértico país.

Intriga, dramas conyugáis e un final inesperado, fan que un disfrute ca lectura deste libro. Recoméndovolo se queredes pasar unhas horas moi entretidas, e sobre todo, se vos gusta a pesca e algún día vades a algún wadi yemení.

domingo, 10 de febrero de 2008

Actividades Hipercor 2008

Dende a web Miguel pesca, chegoume o anuncio das actividades que o Centro Comercial Compostela Hipercor fará durante o ano 2008, en concreto, no mes de Febreiro.

O conxunto de actividades ven a ser a seguinte:

Primeiro Certame de relatos cortos: “Galicia, país do millar de ríos”. Tema: "A pesca en augas continentais de Galiza: pasado, presente e futuro."

Exposición do último en aparellos para pesca en augas continentais: do 18 ó 23 de Febreiro, no Departamento de Deportes de El Corte Inglés-Santiago.

Concurso de Montaxe de Moscas para Troita: o 22 e 23 de Febreiro, xunto cunha mesa redonda sobre: “A pesca en augas continentais de Galiza: pasado, presente e futuro” e unha exhibición de montaxe de moscas de “Fantasía”, coa participación de coñecidos montadores.

Anímovos a todos a participar neste evento. Para ver as bases dos concursos, revisar a seguinte ligazón.

sábado, 9 de febrero de 2008

Noticia: Veda da pesca en Navarra

Onte avisoume o meu colega desplazado no valle do Baztán que no Diario de Navarra publicaron a noticia da veda total na zona norte e parte da central durante esta tempada 2008.

Non encontrei a noticia exacta, pero vos deixo a ligazón na que se comenta a aprobación por parte de moitas das sociedades de pesca navarras desta veda.

Lingazón á noticia

Penso que moito temos que aprender aquí en Galiza. Non me imaxino a hecatombe que se formaría se se produce a veda total nesta comunidade durante un ano para recuperar os ríos galegos.

miércoles, 6 de febrero de 2008

Partidos da tempada 2008

Xa temos os principáis partidos e sedes da tempada de pesca de troitas en coutos 2008. Aquí están os partidos e as sedes:

- 18 Marzo: río Lor, couto de A Labrada
- 20 Marzo: río Vea, couto de Souto de Vea
- 22 Marzo: río Barcala, couto de Negreira
- 29 Marzo: río Arenteiro, couto de Carballiño sen morte
- 5 Abril: río Deza, couto de Taboada
- 12 Abril: río Anllóns, couto de Verdes
- 19 Abril: río Viñao, couto de Boborás
- 31 Maio: río Masma, couto de Mondoñedo (reo)
- 7 Xuño: río Miño, couto de Ombreiro
- 20 Setembro: río Eume, couto de Ombre (reo)

Aínda estou pendente da segunda volta dos coutos, así que é posible que teña máis partidos de coutos.

Como podedes ver, temos un inicio da tempada duro, con 4 partidos no mes de Marzo que poden facer que a tempada se incline para un ou outro lado da balanza.

Como dicía Xulio Cesar, "Alea jacta est".

martes, 29 de enero de 2008

Revolvendo no baúl dos recordos...

Facendo limpeza na casa, entre os papéis da facultade, os libros vellos, cousas que nin sequera sabía que existían e sobre todo, o pó, encontrei o resgardo da captura máis grande que logrei coller.

Esta foi no pantano de Vilagudín, en Ordes, e debeu ser máis o menos no 1998. Tratábase dunha troita arco iris de 1,9 Kg, cunha culleriña Evia vermella e prateada do número 2.



Custoume 1.423 das antigas pesetas (700 pesetas o kilo de troita arco iris).

Mágoa de non ter fotos dela...

viernes, 18 de enero de 2008

De ríos e paisaxes da zona... 3º parte

O prometido é deuda. Estas fotos pertencen á presa de Herbón, no río Ulla, preto dos coutos de Sinde e Couso.

Nestas dúas primeiras, podemos ver as famosas "pesqueiras", construccións de pedra dispostas perpendicularmente á corrente para a captura da lamprea mediante os "buitróns". Nas imaxes vemos, dende diferentes ángulos, a pesqueira chamada O Canal, unha construcción moi antiga e, a diferencia das demáis, está construida en forma de vértice, permitindo o remonte da lamprea pola corrente do medio.

Vista de O Canal dende o chan.



Vista de O Canal dende a ponte da estrada.



Nestoutra imaxe, o caseto verde ó lado doutras "pesqueiras".



Nesta zona sóese pescar, ademáis da lamprea, o reo e sobre todo, a zamborca.

martes, 15 de enero de 2008

De ríos e paisaxes da zona... 2º parte

Voltamos de novo coa mini-excursión ó concello de Vedra, no que fomos visitar a ponte de Gundián que atravesa o río Ulla dende uns 60-70 metros de altitude. Esta ponte conten á vía de ferrocarril. Descoñezo se se sigue utilizando e a ruta que esta vía leva. Aquí vos deixo as fotografías:

Nesta primeira, a vía do tren entre a néboa.



Nesta foto, vista dende a ponte do río Ulla.



A ponte de Gundián dende abaixo. Impresionante construcción humana...



Vista dos pilares da autovía-autopista sobre o Ulla dende Ponte Ulla.



En breve. a visita á presa de Herbón no río Ulla.

viernes, 4 de enero de 2008

De ríos e paisaxes da zona... 1º parte

Entrado xa este ano novo, comezamos poñendo unhas fotografías dunha tarde de Decembro de 2007 por terras galegas.

A primeira foto pertence ós muíños do río Baroxa, no concello de Barro. Ten unha zona de descanso, cunhas pontes de madeira que cruzan as variantes do río.



Esta segunda foto é da fervenza de Caldas no río Umia. Espectacular, lugar de reflexión e meditación....